السلام عليكم ورحمة الله وبركاته

بأالى قرن مادونتش ياااااااااااااااااه من زمان اوى !!! السبب مش قله الوقت فى الحقيقة ... ! السبب فى الانتظار لحين اكتمال الصورة

على ايه حال دعونا نبداء مع التدوينه الجديده

المرة اللى فاتت بين الواقع الموجود والحلم المنشود ياقلبى لاتحزن 3 بالميعاد فى المنصورة

رحت المنصورة انا واخويا الكبير(بالعربيه بتاعته) وهناك انتظرنا الدكتور رئيس المعمل وبعد ماجه حضرولى زى مقابله شخصية للبت فى موضوع قبول صيدلى للعمل معمهم _كلهم استاف دكاتره فى كلية علوم المنصورة_ بعد المقابله الحمد لله قرروا كلهم انى ابدأ اشتغل معاهم
(عرفت بعد كده انهم كانوا مقررين قبل ما ادخلهم انى مانفعش نهائى لانى صيدلى والخلفية بتاعتى مختلفه عن موضوع البحث)

المهم علشان نختصر ..
عدى شهرين عليا فى المنصورة كانوا من افضل الاوقات اللى قضتها فعلا من نواحى عده(ان شاء الله هتكلم فى تدوينات قادمه غن بعض التجارب)

الكلام ده كان من اول شهر 3 الى نهاية شهر 4 وكان مفترض انى انتقل الى برج العرب من اول شهر 5 بس لاسباب يعلمها الله تم التاجيل الى اخر الشهر

ملحوظة: كنت مقدم من شهر 12 فى بعض الجامعات السويديه والنتيجه كان مفترض انها تطلع يوم 15\4 بس تم تاجيلها الى 29\4 وبعدين الى 9\5 وطلعت يوم 8\5

يوم 8\5 بشوف النتيجه كده بالصدفه لقتنى اتقبلت فى المعهد الملكى للتكنولوجيا باستكهولم افضل جامعه فى السويد و12 فى اوربا و73 على العالم

ايه ده انا اتقبلت.. يعنى ايه اتقبلت .. يعنى اتقبلت

يعنى هكمل دراستى بره زى ماكنت بحلم

يعنى هاحقق حلمى

مش ممكن !!!!!!!!!!!!!!!!!!!!!!!!!!!!!!!!!!!

الحمد لله.

دائما ياتى الضياء بعدما تمل من الظلمة الى اقصى درجة



الاجراءت للفيزا الى السويد والاعدادات للسفر والاشياء الاخرى هتكون فى تدوينه قاده ان شاء الله


بس المهم اللى عايز اقوله دلوقتى انا بدون من السويد وبكتب اول فصول الحلم المنشود بعدما سحقه الواقع سحقا فابت الاموراج الا ان تاخذة الى السويد

انتظروا التدوينات القادمة ان شاء الله