بداية اعتز اعتزار شديد على تاخرى فى كتابة الجزء الثالث والاخير من بين الواقع الموجود والحلم المنشود ياقلبى لاتحزن نظرا لظروف طارئة ...

نخش فى المفيد وموضوع اليوم

لا ينكر احد ان حقوق الملكية هو من اهم عوامل نهوض الدول المتقدمة (امريكا واوربا)

وان المعركة المحتدمه الان بين اوربا وامريكا من جهة و الصين من جهة اخرى مبنية فى الاساس على اشكالية حقوق الملكية او القرصنة

كل عام تحاول امريكا الضغط على الصين للقبض على المبرمجين والشركات الصينية التى تنتهك حقوق الملكية ولم تكن زيارة بيل جيتس الاخيرة للصين ودعتوه لرئيس الصين بان يجد حل لهذه المعضلة الا دليل دامغ على تاثر الولايات المتحده واقتصادها بالممارسات الغير قانونية الصينية

ان اكثر المتضررين من قضية انتهاك حقوق الملكية هى بالطبع شركات البرمجيات الكبرى وعلى رأس القائمة تقبع شركة ميكروسوف لتكون بذلك متربعة على عرش البرمجيات وعلى عرش اكثر الشركات المنتهكة حقوق ملكية على السواء بالاضافة ايضا الى شركات العاب الفديو العملاقة مثل EA ELECTRONIC ART

فلك ان تتخيل اخى ان دولة مثل الولايات المتحدة تخسر 6 مليار دولار سنويا بسبب القرصنة البرمجية فقط

ونروح بعيد ليه الوطن العربى نفسه خسرت اكثر من 245 مليون دولار بسبب القرصنة حصة مصر منها 9 ملايين دولار عام 2000

وايضا كانت القرصنة ليها بالغ الاثر فى نفس العام على الاستثمار الدولى فى الاردن

الشئ اللى اجبر الحكومات الى محاولة الحد من هذه الظاهرة عن طريق مشاريع سن قوانين تدين القرصنة

وطبعا بالنسبة لينا احنا المصريين ما سمعناش عن حقوق الملكية دى غير بعد انتشار الوصلات فى الاونة الاخيرة وانتشارها بصورة بشعة

الشئ اللى خلا صالح كامل صاحب الايه ار تى يتهم الشعب المصرى بانه حرامى على شاشة دريم

والاعلان الشهير للاستاذ عمرو خالد على شاشة اقرا للتحذير من انتهاك حقوق الملكية عن طريق الوصلات والفتوى التى الصقت به على انه قائلها انه قال بتحريم الوصلات

طبعا المعادلة معرفة مسبقا انتهاك حقوق الملكية = افلاس الشركة او المؤسسة = تضهور الاقتصاد وبالاخص المجال الذى انتهكت حقوقيته

اه اللى دخل ابوحديد او بوحة سابقا فى الموضوع

بوحة او ابو حديد هى او لعبة لعبة ثلاثية الابعاد مصرية بالكامل من الفها الى يائها وتعتمد على قصة شبيها بيفلم بوحة الصباحى

ده التعريف مثلا على موقعهم

الحكايه ببساطه ان أبوحديد لعبة كمبيوتر عربية ثلاثية الابعاد (3D) مستوحاه من الثقافه المصريه ..

عربية يعنى ابطال القصة بيتكلموا عربى .. يعنى الأماكن ليها طابع مصرى .. يعنى الميكانيكى بيجرى ورا أبوحديد وبيقوله "فين الربع جنيه اللى عليك يا أبوحديد؟

يعنى شومة بدل الـshotgun وعربية ميكروباص بدل العربية الـPorsche ويعنى فلاحين وصعايده بدل الـmarines والـaliens..
ده غير كمان انك ممكن تلعب مع أصحابك multiplayer بشخصيات أبوحديد المختلفه.. مش عاوزين نحرق اللعبة اكتر من كده ..

وده نداء من اصحاب الموقع للناس تشترى اللعبة وماتنتهكش حقوق ملكيتها

لو اللعبه عجبتك اشتري اللعبه من فضلك و بلاش تضربها.. دي أول محاوله لإنتاج لعبه مصريه و لو فشلت مش هانعملك لعب تاني :(.. و خلي بالك اللعبه مش هاتبقي غاليه خالصمن كده ..

فى الحقيقة ابوحديد مش بس هتكون مجرد لعبة الناس هتلعبها وتستمتع بيها

فى رائى انها هتكون اكبر من كده بكتير.!!!

لعبة بوحة او ابو بحديد هتكون تحدى عميق للمجتمع المصرى وبالاخص فئة الشباب لمعرفة مدى تطبيق هذه الفئة للقوانين ومدى احساسه بخطورة حقوق الملكية

بوحة هتكون اختبار حقيقى و واقعى لمدى تحضر الشعب المصرى ومش عايز اقول لمدى تدين المجتمع المصرى و ابتعاده عن الحرام

فالمعادلة بسيطة جدا

انتشار اللعبة نتيجة شرائها = نجاح اللعبة وبالتبعية الاتجاه لعمل لعبة جديدة = تحفيذ للشباب المبدع للابداع والابتكار

كأن بوحة ستكون رسالة لمبرمجين الالعاب مرسلة من الشباب والمجتمع

ابتكروا ونحن سنساعدكم

اما اذا كانت المعادلة

انتشار اللعبة عن طريق القرصنة = نجاح اللعبة ولكن بتبعية اخرى وهى افلاس الشركة المنتجة = تفكير اى شركة عشرميت الف مرة قبل ما تقدم على طرح مثل هذه الفكرة مرة ثانية....

ياترى مين اللى هيكسب.!!!؟؟؟

بوحة ام القرصنة؟؟؟؟؟

التحضر والتمدن واحترام القوانين وحقوق الناس ام التخلف والغوغائية وعدم الاكتراث الا بالمتع الشخصية؟؟؟؟

اقرأ هنا عن

القرصنة PIRACY) Copyright infringement