بعض منى

ههههههههههههه
يعني ايه بقي
مع اني والله شاطر في الانجليزي

one of the most weird fates


is life it self

we never knew what it would be like and we did not choose to come over

even thought

yah

here we are

facing the very cruel circumstances created for us to live by others

for me

if i knew what i am up to

off course i will rather choose to be unmentionable


god bless you were ever you are and what ever you are going through

Slalm Alaikom
Sir, I get your message and if you focused on its content you will see that its all contents related to each other و بالعربى علشان الناس ما تتخنقش بنفس طريقة عرض رسالتك يعنى و الله اخى الحالة دى فى رايى ان دلت تدل على تخبط ناتج من ايه بقى انا اقول لك بصراحة انا قرات الفصل التالت من السلسلة بتاعتك بتاعة الحلم المنشود و انت من الاخر كده بتوه على الجزء الرابع و الخامس ههههه لا بجد اخى خليك واقعى اكتر و سبحان الله ما حدش عارف الخير فين بس حتى لو اتعرضت لموقف مش كويس ما تياسش انه لا يياس من روح الله الا القوم الكافرون اعذانا الله و اياكم من الكفر و منتظرين الحلقتين اللى ناقصين الله يوفقك

افاق الحرية
مش عارف ما انا كاتبها علشان الناس تقولى يعنى ايه ده

همس المشاعر

نورتينى والله يافندم

هو فعلا فى حاجات مش بادينا
احان فى الدنيا مش بادينا
بس اللى بادينا ان احنا نعمل اللى احنا عيزينه فى الدنيا وى ماحنا عايزين

ولما تبقى مخططه لحياتك بعقلك كويس وفى لحظة يدخل قلبك فجأة ويجبرك انك تمشى فى طريق انتى عقليا معندكش ذرة شك انه مش فى مصلحتك نهائيا فى الوقت الراهن ومتقدريش تتحكمى فى قلبك لانه سبب صراع داخلى رهيب لما حاولتى تنحيه او تروديه
فى الوقت ده بتسالى نفسك هو مين اللى خلى قلبى يختار الطريق ده وانا مش عايزه _وخاصة انى من الناس اللى بتكفر بموضوع الحب ,وفى تدوينة كنت كاتبها زمان بعنوان منظومة الحب العقلانى_ولا مستعد له وتدورى فى حلقه مفرغة مانتهتش الا لم اللى بدأها هو اللى نهاها
غير لما ربنا اللى وضع حب هذا الاختيار فى قلبى نزعه تناى من قلبى

منظومة الحب العقلانى
http://emamm1.blogspot.com/2007/06/blog-post_10.html

غير معروف
وعليكم السلام ورحمة الله وبركاته

طيب الحمد لله انك عرفتها الحقنى بيها الله يكرمك


انا الحمد لله معنديش تخبط ولا حاجة بس كانت المرحلة دى صعبة جدا فى حياتى لانى كنت مضطر انى اخد قرار تكتيكى بالامكان انه يؤثر على اهدافى الاستراتيجية مع الاخذ فى العتبار انى مكنتش حباب ان اتحط فىالموقف ده نهائيا فى الفترة دى
بس قدر الله ومشاء فعلا

عموما انتظر الحلقة الرابعة اللى هتتاخر شوية حوالى شهر لان بمشئة الله هيكون فيها اول فصول الحلم المنشود فعلا

المهم انك كويس
وانا كمان شاطرة فى الانجليزى
بس ياللا...ابقى طمنا عليك دايما كده
:)

السلام عليكم
ماشى يا عم هنستنا بس بلاش اسلوب التشويق و الاثارة بتاع المسلسلات ده ههههه
بس على فكرة ردك على همس وضح الحالة اللى انت فيها تماما و تقولى عقلانى و مش عقلانى شوف يا عم معلش نتكلم بصراحة الحب حب و طبعا لازم ياخد شكله الشرعى الصحيح يبقى ايه المشكلة و بعدين انت شكل الحوار وسع معاك كده شكلنا هنقول لك ميروك قريب يا عم يلا ربنا يبارك لك
ربنا يعينك و بالتوفيق

على فكرة لو عايز مشورتى يعنى احم احم انا مستعد بس على اتصال بينا بقى ان شاء الله على اساس الاخوة فى الله يعنى ربنا ييسر لك

ربنا يعينك يا فندم

واذا كان ربنا وضعك فى مكان
وانت مش عاجبك
قد يكون لهذا حكمة وخير من ورائه

احنا بننظر للامور من وجهة واحدة لكن ربك مطلع عليها جميعها

وقد تكون شر من جهة وخير من جهة بعيدة لا نراها

او قد تكون اعدادا
او قد تكون اختبارا

او قد تكون ابتلاء ليرى الله منك خيرا

المهم تقدر تفسرها انت كويس
عشان تعرف تتعامل معاها كويس

امولا

عنيا يافندم
العيب مش فى الانجليزى بتاع حضرتك
العيب ان ده اصلا مش انجليزى

غير معروف

الاثارة التشويق هما بهارات الحياة

عموما افصح عن نفسك لكى نستطيع التواصل سويا

ومنتظر اتصالك

امام الجيل

اخيرا نورتنى

بص يامام تقريبا كل اللى قولته صح ميه فى المية

بس اللى كان شاغل الواحد فعلا فى الوقت ده انه مكنش عايز حاجة زى دى تحصل لانها هتعطلنى عن مسيرة حياتى فى الفترة دى طيب ليه الموضوع من الاساس
ليس اعتراضا على مشيئة الله بل تساؤل عن حكمة الله

الحمد لله انا خرجت من الموضوع ده انضج 10 سنين
وناس كتير قوى قدروا تصرفى وتعاملى مع الموضوع
زيادة كمان ان فعلا فى حجات اتلفت انتباهى ليها مكنتش حاططها فى الحزبان

فى كل الاحوال انا كسبت كتير ولم اخسر شئ سوى صراع نفسى رهيب نتيجة تصادم القلب مع العقل طوال هذه الفترة واعتقد ان ده كمان على المدى الطويل هيكون مكسب مش خسارة

على فكرة انا اول مرة اكتب لك يعنى مش متخفى و الله بس هو الطريقة شدتنى و بعدين دعبست شوية فى المواضيع بتاعتك كل اسلوبها واحد ما شاء الله
بص عموما بعتذر لو دخلت فى منطقة تخصك بس عادى يعنى انت كاتب على الملا و المعنى بالنسبة لى واضح و للكل اعتقد عموما يا سيدى ننسحب و ربنا يوفقك بس و الله مش متخفى

ياخبر

لا والله انا قصدت يعنى نتعرف مش المعنى اللى وصلك خالص

وحضرتك مرحب بيك طبعا فى اى وقت
انا بس قصدت عرف عن نفسك علشان نجد وسيلة تعارف بينا نقدر نتواصل عن طرقها

بناء على ما سبق
:)
من التعليقات وردودك عليها انا فهمت حاجة -وخصوصا ردك على امام الجيل-ان حضرتك مريت بظروف كان فى صراع بين عقلك وقلبك..صح كده؟
طيب وهو ليه الصراع اصلا..اذا كان عقلنا ربنا مديهولنا ولنا القدرة نتحكم بيه وفيه بحكم الهدف اللى ربنا خلقنا علشانه وهو اننا نكون -احيانا-مخيرين-فى افعالنا ومع ذلك-بالعقل برضة-ساعات بتواجهنا ظروف-مالهاش دعوة بالقلب خالص-ومش بنقدر نقرر ولا ناخد اتجاه معين وده لما مثلا تكون فى اختيار صعب من اختيارات العقل البحتة وتكون محتار تعمل كده واللا كده علشان كده ربنا اهدانا صلاة الاستخارة كمثال يعلمنا ان حتى عقولنا اللى ممكن نمتلكها حييجى وقت وحنسيبها ونترك الاختيار لله وحده عند الاحتيار.
طيب ده كله كان الكلام على العقل...لما نيجى باه للقلب اللى احنا أصلا مش مجبولين على التحكم فيه ولافى ميله تفتكر حيبقى سهل وميسور اننا نقعد كده ونقول نحب واللا مانحبش؟ماكانش بقى حب كان أختيار زى اى اختيار وحيبقى ماسخ ودمه تقيل اوى.طيب لما الحب ده ييجى فجأة زى ما بتقول ومن غير تخطيط وبرضة زى ما بتقول فى وقت غلط..يا نهارى انا حاسة انى مش باتكلم عن حب لاعن حاجة تانية خالص..تفتكر لو ماكانش ربنا جابلك النهاية من عنده كنت حتعمل ايه؟كنت انت حتنهيه واللاالطرف التانى؟ولو انت حتنهيه كان ده حيبقى بقرار منك زى ما بتقرر مثلا حتلبس ايه؟ تفتكر ده يبقى حب؟صدقنى والله انا مش باناقش فكرك بس يمكن يكون عندك حاجة انا اقدر استفيد منها لانى نقيضك تماما وباخاف اوى ساعات من رومانسيتى وعايزةحداعرف منه ايه الصح بس الله يخليك ماتقوليش ان العقل لوحده كفاية
باعتذر لتطفلى عليك بس فعلا انا عايزة ارتاح

امولا

هو ليه الصراع اصلا؟

الصراع اصلا جه لان قلبى املى على قرارات او اخذنى الى طريق لم اكن اريده بالمرة وكان سيتسبب لى فى بعض الخسائر لا اعلم مقدارها بالتحديد ولكنها قطعا خسائر
الصراع لانى مكنتش عايز قلبى يتعلق بحاجة فقط هو مايملية على عقلى افعله وفقط اما انى يملى على قلبى قرار او فعل فهذا ما لا احبه ابدا ولا اريده

ـــــــــــــــــــــــ

الموضوع اتحل ازاى او كان ممكن يتحل ازاى لو مكنش ربنا حله مش عارف بس ربنا هو من وضعى فهذا الموقف على غير مرادى وهو من حل الموضوع
وعلى فكرة الموضوع كان تخطى حاجز ان انهييه انا او ينهيه الطرف الاخر وانتقل الى مرحلة متقدمة قدر الله لها ان لا تكتمل
ـــــــــــــــــــــــ
القضية ليست قضية رومانسية او عقلانية
فى اشياء فعلا مش بادينا منها الحب والكره
وزى ماتيمور نبهنى لحاجة ان الحب لو كان له سبب مكنش هيبقى حب
بس المحك هنا من سيقود الاخر وكيف يترجم هذا الحب وما هو مقدار هذا الحب وتاثيره على اتخاذ القرارات
ونرجع تانى لموضوع ايه السبب فى الصراع
انك لما تبقى مخطط لحياتك ومحدد خصائص معينة تسعى خلفها ثم تصدم بالحب
الحب يجعلك غير قادر تماما على الحكم على الشئ بموضوعية مهما حاولت ودى كانت مشكله كبيرة
ـــــــــــــــــــــــــ
فى النهاية مش كل انواع الحب هو حب عاطفى او رومانسى ينتج فقط عن شئ لا يعلمه الشخص فى الحب العقلانى او الفكرى وده فصلت فيه فى تدوينة منظومة الحب العقلانى

ماكنت اسعى خلفه هو الحب العقلانى وليس اى حب اخر لان مثل هذا النوع لن يعيقنى ابدا من تحليل المواقف والشخصيات بحيادية ومضوعية مما يصب فى مصلحتى بالنهاية ولن يجلعنى اخسر الكثير

غير معروف

ماذلت فى انتظار حضرتك ياريت تاخد الايميل من المدونة ونتواصل عن طريقه

تصدق انا مفهمتش حاجه
ههههههههه
المره الجايه تبقى تكتب كلام مفهوم